Loin des yeux près du coeur...
 والغربة تزيد الوحش
واللي بعيد عليك قلبو ما يفرحش 
خيار الجمعيّة دايرة بيها إمّاليها
وما تحسّ بقيمتها كان كي تبعد عليها

أربعة سنين التالي بدات حكايتنا
تلمّينا كيف ليتوال استحقّتنا 
غرام كبير في قلوبنا و محبّة جمعتنا
 و في حملة "حاجتها بينا" ضهرت بصمتنا

دارت الايام، و كبرت العيلة و الحلمة
و ورّينا إلّي حب ليتوال فعل موش كلمة
زادت الناس و كثرت اللّمّات
وبدات خدمتنا تظهر بين العباد
بين قصّان التساكر والأبونمونات
و عند عم المنصف وين تحلى اللّمّات
و​الدزّان الكبير مع ​الاولاد
...والفرحة الكبيرة مع التيتروات

اليوم العايلة راكزة وجمعيّتنا سجّلناها
و​الحماس كبر والناس لميناها
وليتوال عرفت اللّي كيف تستحقّنا تلقانا
وانتي كانك مغروم، ما عليك كان تدخل معانا